A warri boy's letter to the presidenton Asuu Strike: funny & interesting!



  • Full Member
  • ***
  • Posts: 132
    • View Profile

Below is a Warri boy’s letter to President Jonathan on the ASUU Strike. It is in pidgin English so get ready for some laugh although the writer maked some good points. Anyway, we’ll let you be the judge. Oga Presido,
First of all I hail ooo! I no say u no dey
cary last. You be confirm Ijaw pikin. As
dat ur middle name ‘Ebele’ mean
‘mercy’ so make u pity ur children
settle their lecturers naa! The matter neva tire u? Suppose say ur
pikin wey u born for belle follow us
dey house, shey you for never answer
we lecturers them? Una say make we
bone kidnapping, militant things and
all the bad bad things dem go enter school, now na una com dey f**k up.
All the things wε̲γ we lecturers don
teash us for klass we don forget finish.
Last last, na una go still call us “half-
baked”, “half-roasted”, abi na “half-
fried”. Na una sabi! Dem talk say person no fit run pass
him shadow. We dey hea dey watch
you. Na ur time be dis use am well, but
we go jam for 2015. U don forget say
youths na we dey vote pass abi? Na
we sef dey snatch ballot box, dey do rally and som kain kukere things dem
wey una dey take win election. U go
still nid our help o. That time we sef go
go strike. Shebi u sabi waka witout
shoe, u go carry ur leg do ur rally. No
thug for u. We no go snatch ballot make you for win. If any maga try am
we go fall hin hand.
So bro Jona, na ur opportunity be dis
o make u code this stubborn ASUU
pipu make dem cary their wahala enta
class. We no say na rush them go begin rush us but we no send. All join.
Na who get leg dey kuku pass exam
no be who read. Na still who get leg
dey get beta work. Na Naija we dey. So
make u do something because our
mate dem for private university don graj finish. We don tire to dey beef
them. If u no shake bodi fast make u
no forget say university of militancy
still dey admit dey neva even release
2nd batch ooo!
Abeg try grit maale Patience well well (i thank baba Godee say she and gran
papa Soyinka don settle that their
quarrel), greet all those bad belle
advisers wey u get too, God pass
them! Uncle Amaechi still dey Niger-
delta here o, hin don tire for ur mata. I dey grit u for am too.
I go stop for here. E go be na.
Naija student for life!
Na ur waffi boy.

If you like the post don't forget to share with your friends


Quick Reply



Type the letters shown in the picture
Listen to the letters / Request another image
Type the letters shown in the picture:
10 - 2 is what?:

Related Topics

  Subject / Started by Replies Last post
0 Replies
Last post October 03, 2013, 08:50:57 PM
by Ilohzidane
0 Replies
Last post December 15, 2015, 01:52:06 AM
by nduprincekc
0 Replies
Last post May 22, 2018, 11:15:44 PM
by Drealup